今晚西班牙盃4強次回合，「小蝙蝠」利云特主場再斗畢爾包。首回合雙方各一言和，利云特揸住1個作客入球，今仗一定穩(wěn)陣行先，畢爾包近況回落，就算焗攻想入波都唔易，2.5球嘅入球細乃明智之選。

講到西甲硬凈球隊，利云特絕對係其中之一，各項賽事近14場，只係輸過1場咁大把，其中兩斗榜首馬體會更取得1勝1和，認真唔講得笑，而且首回合造訪畢爾包，亦打和1比1，搶到1個作客入波，意味今仗打和0比0，亦可憑較多作客入球進身決賽，睇番「小蝙蝠」近3次主場出擊只失3粒，而且全開2球或以下，睇得出佢哋攻力唔強但守得兩嘴。

畢爾包射手死火　　季中勇奪西超盃嘅畢爾包，近期有回落跡象，各項賽事近6仗只得1勝5和，5仗和波全開2球或以下，算幾硬凈。雖然今仗佢哋唔能夠坐以待斃，至少要爭取1個入波，不過箭頭伊拿基威廉斯近7仗只入1粒，要攻破利云特嘅嚴密防線，絕非易事。

翻查紀錄，兩軍近3次交手全開2球或以下，包括利云特日前喺聯(lián)賽打和1比1，今仗佢哋繼續(xù)主場出擊，加上有作客入球優(yōu)勢，預(yù)計會照辦煮碗唔會亂攻，2.5球嘅入球細更可取。